चर्चित गायक प्रकाश सपुत र गायिका काजल गुरुङको हेटौँडामा ब्याटल (भिडियो)

२७ जेष्ठ २०७६, सोमबार १६:५७
Featured Video Play Icon

मकवानपुर, २७ जेठ । प्रदेश नम्बर ३ को राजधानी मकवानपुरको हेटौँडामा आयोजित एक कार्यक्रममा चर्चित गायक प्रकाश सपुत र गायिका काजल गुरुङले दर्शकहरुलाई छमछमी नचाएका छन् । उनीहरु दुईको दोहोरी ब्याटलले दर्शकहरुमा रौनकता थपिएको थियो । दोहोरी ब्याटल १ र २ को ब्याटलमा दर्शकहरु समेत काजलको पक्षमा र प्रकाशको पक्षमा उभिँदै दोहोरीलाई थप शशक्त बनाएका थिए ।

न्यू मिडिया एकेडेमी प्रालिको आयोजनामा शनिबार हेटौँडामा भएको दोस्रो हेटौँडा जर्नालिजम अवार्ड २०७६ मा चर्चित गीत बोल मायालाई गाउँदै स्टेज चढेका प्रकाशले आफ्ना चर्चित गीतहरुसँगै सालको पात टपरी हुनी समेत गाएका थिए । उनले बोल माया गाएसँगै अहिलेको चर्चित गीत गलबन्दीमा दर्शकहरुलाई निकै नचाएका थिए । प्रकाशको गीतमा वान्स मोरको बाढी आएपछि उनले ३–४ पटकसम्म सोही गीत गाउनुपरेको थियो । त्यसपछि सुरु भएको दोहोरी ब्याटलमा काजलले उनलाई च्यालेञ्ज गरिन् । दुबैको ब्याटलमा हेटौँडावासी समेत सरिक भए । हेर्नुहोस् पुरा ब्याटलको भिडियो-

कार्यक्रममा प्रकाश र काजल सहित हेटौँडाका कलाकारहरु सुनिता शर्मा लुइँटेल, कविराज हुमागाई, स्वस्तिका ढकाल, देवेन्द्र कार्की लगायतले आफ्नो प्रस्तुती दिएका थिए । अवार्ड कार्यक्रममा मकवानपुरका ११ जना पत्रकारहरुलाई अवार्ड वितरण गरिएको छ । साथै नेपाल पत्रकार महासंघ मकवानपुरका पूर्व अध्यक्षहरुलाई समेत सम्मान गरिएको छ ।

कार्यक्रममा महासंघ शाखा मकवानपुरका पूर्व अध्यक्षहरु नवराज शर्मा, कौशल पाण्डे, प्रताप विष्ट, राममणि दाहाल, भानुभक्त आचार्य र महेन्द्र श्रेष्ठलाई सम्मान गरिएको हो । यद्यपि विशेष कारणवश पूर्व अध्यक्ष महेन्द्र श्रेष्ठ भने कार्यक्रममा उपस्थित थिएनन् । उनीहरुलाई आन्तरिक मामिला तथा कानुन मन्त्री शालिकराम जम्कट्टेलले दोसल्ला ओढाएर सम्मान पत्र प्रदान गरेका थिए ।

अवार्ड अन्तर्गत उत्कृष्ट खेलकुद पत्रकारिता वर्ष अवार्ड एभिन्युज टेलिभिजनका राजन दाहाल लाई प्रदान गरिएको थियो । त्यस्तै उत्कृष्ट चलचित्र पत्रकारिता वर्ष अवार्ड नागरिक दैनिकका अशोक सुजन श्रेष्ठ, उत्कृष्ट आर्थिक पत्रकारिता वर्ष अवार्ड साझाकुरा दैनिक र कारोबार दैनिकका केशव समपर्ण, उत्कृष्ट खोज पत्रकारिता वर्ष अवार्ड अन्नपूर्ण पोष्ठ दैनिकका कृष्ण सारु मगर र उत्कृष्ट सम्पादक वर्ष अवार्ड साझाकुरा दैनिकका सुवास विडारीलाई प्रदान गरिएको थियो ।

नव उदयमान पत्रकार वर्ष अवार्ड रेडियो थाहा सञ्चारकी सृजना नेपाल, उत्कृष्ट अनलाईन पत्रकारिता वर्ष अवार्ड प्रष्टखबर डटकमका सुनिल सिवाकोटी, उत्कृष्ट प्रस्तोता वर्ष अवार्ड रेडियो थाहा सञ्चारका दर्शन क्षेत्री, उत्कृष्ट सामाजिक पत्रकारिता वर्ष अवार्ड रेडियो मकवानपुर र प्रदेश दैनिकका गणेश अधिकारीलाई प्रदान गरिएको थियो । उत्कृष्ट पूरुष पत्रकार वर्ष अवार्ड कान्तिपुर टेलिभिजनका बालकृष्ण अधिकारी र उत्कृष्ट महिला पत्रकार वर्ष अवार्ड टिम टेलिभिजनकी नानीमाया सापकोटालाई प्रदान गरिएको थियो । ९ विधाका अवार्ड विजेताहरुलाई नगद पाँच हजार र उत्कृष्ट पूरुष पत्रकार वर्ष अवार्ड र उत्कृष्ट महिला पत्रकार वर्ष अवार्ड प्राप्त गर्नेलाई दश हजार नगद सहित अवार्ड प्रदान गरिएको थियो ।

कार्यक्रममा प्रमुख अतिथि एवम् प्रदेश ३ का आन्तरिक मामिला तथा कानूनमन्त्री शालिकराम जम्कट्टेलले कार्यक्रमलाई सम्बोधन गर्दै सबै सम्मानित हुने र अवार्ड प्राप्त गर्ने सबै पत्रकारहरुलाई बधाई तथा शुभकामना दिएका थिए । अवार्ड कार्यक्रममा प्रदेश ३ का सदस्य मुनु सिग्देल, जिल्ला समन्वय समितिका प्रमुख रघुनाथ खुलाल, हेटौंडा उपमहानगरपालिकाका उपमेयर मिना लामा, भीमफेदी गाउँपालिकाका उपाध्यक्ष पार्वती राना, नेपाल उद्योग वाणिज्य महासंघका सदस्य अरुणराज सुमार्गी, उद्योग संघका अध्यक्ष नवराज अर्याल, मकवानपुर उद्योग वाणिज्य संघका अध्यक्ष कृष्ण कटुवाल, चुरेहिल हस्पिटलका प्रमुख डा. सुन्दर श्रेष्ठ, नेपाली कांगे्रस मकवानपुरका निवर्तमान सभापति रघुरमण न्यौपाने, जनप्रतिनिधि, चलचित्र पत्रकारहरु, चलचित्र कोपिलाका टिम, युवा व्यवसायीहरु, पत्रकारहरु, विशिष्ट व्यक्तित्वहरुको उपस्थितीमा उनीहरुकै हातबाट अवार्ड प्रदान गरिएको आयोजक संस्थाका अध्यक्ष मणिराज गौतमले बताए ।
मकवानपुरका पत्रकारहरुमा हौसला प्रदान होस भन्ने अभिप्रायले अवार्ड कार्यक्रम गरिएको हो । यस अघि यूएईको बरदुवईमा पहिलो अवार्ड कार्यक्रम गरिएको थियो ।
यो पनि हेर्नुहोस्-

स्वस्तिकाले भुतुक्कै पारिन्

Timro Mayale Badhera Rakha By Kabiraj humagain

Prakash Shaput लाई टक्कर दिईन् यी युवतीले

स्टेजमै भावुक भए Prakash Saput

Prakash Saput को गलबन्दीमा दर्शक झुण्डिए

क–कसले के अवार्ड जिते ?

यो पनि हेर्नुहोस्

फेसबुक च्याटले खोल्यो पोल–गीत डिलेट काण्डको पर्दाफास (भिडियो)

बोल माया जस्तै उत्कृष्ट प्रकाश सपुतको ‘गलबन्दी’, ‘बोल माया–२’ मा के होला ? (भिडियो समिक्षा)

गीत डिलेट काण्ड– एलिना र श्यामको के हो लफडा ? (पुरा विवरण भिडियो सहित)

बहुचर्चित गीत ‘तिम्रो मायाले बाँधेर राख’ युट्युबबाट हट्यो

कम्प्युटर वा ल्यापटपबाट जिमेल आईडी बनाउने तरिका (भिडियो सहित)

मोबाईलबाट जिमेल आईडी बनाउने तरिका (भिडियो सहित)

इन्स्टाग्राममा फलोअर्सले मर्दा हुन्छ भनेपछि किशोरीद्वारा आत्माहत्या

रोग लागेपछि बिरामी श्रीमती छोडेर श्रीमान बेपत्ता

गुगल विज्ञापन नभए पनि युट्युबबाट पैसा कमाउने ४ तरिकाहरु

छाती पिटेर श्रीमती रोइरहँदा कफिनको लास किन बोलेन ?

आँचलले पलको पोल खोलिन्

स्वर्गीय श्रीकृष्ण श्रेष्ठका हेर्नैपर्ने ५ चलचित्रहरु

मुर्चुङ्गा टिभीको लोकप्रिय समाचारहरु

मकवानपुरे बुद्ध थिङ र चर्चित मोडल आशा खड्का नयाँ म्यूजिक भिडियोमा

चर्चित मोडल आशा खड्का र मकवानपुरे युवा मोडल बुद्ध थिङ म्यूजिक भिडियोमा सँगै देखिएका छन् । मकवानपुरकै गायक बुद्ध मोक्तानको ‘छोडी गईछ्यौ मलाई’ बोलको गीतको म्यूजिक भिडियोमा आशा र बुद्ध संगै देखिएका हुन् । चर्चित टेलिसिरियल हर्के हवल्दारदेखि अहिले चर्चामा रहन सफल टेलिचलचित्र ‘रिसानी माफ’ मा समेत अभिनय गरिरहेकी मोडल आशा र बुद्धले यस गीतमा जीवन्त अभिनय गरेको बताइएको छ । सुटिङ सकेर केही दिनमा नै सार्वजनिक गर्न थालिएको गीतको म्यूजिक भिडियोलाई खमेश श्रेष्ठले निर्देशन गरेका हुन् । सागर गौतमको छायाँकन रहेको म्यूजिक भिडियोमा आशा र बुद्धसँगै अनिल मुक्तानले समेत अभिनय गरेका छन् ।

गायक बुद्ध मोक्तानको आवाज रहेको गीतमा दिपकराज विश्वकर्माको शब्द र संगीत रहेको छ । आफुले पहिलो पटक अभिनय गरेको बताउँदै कलाकार बुद्ध थिङले गीतको शब्द आफ्नै जीवनमा समेत मेल खाएको भन्दै अभिनय गरेको बताए । ‘गीतका शब्दहरु मेरै जीवनमा समेत मेल खाने रहेछ, अभिनय गर्दा आफ्नै बिगतको जीवनलाई फेरि बाँचिरहेको अनुभव गरेँ, उनले भने । हेटौँडा १७ हटिया निवासी गायक बुद्ध मोक्तान प्रहरी सेवामा छन् । उनको यस अघि सार्वजनिक ‘दशै आउँदा तिहार आउँदा’ बोलको गीतले निकै चर्चा पाएको थियो । उनले उक्त गीतमा प्रहरी सेवामा लागेपछि दशैँ–तिहारको बिदा नपाउँदाको पिडालाई आफ्नो शब्द र स्वरमा उतारेका थिए । उक्त गीतलाई पनि दिपकराज विश्वकर्माले संगीत भरेका हुन् । म्यूजिक नेपालको अफिसियल युट्युब च्यानलमार्फत सार्वजनिक भिडियोमा गायक मोक्तानसहित मकवानपुरकी कमला भोम्जनको समेत अभिनय देख्न सकिन्छ ।

पल र आँचल फेरि मायामा एकैसाथ (भिडियो)

लामो समयसम्म म्यूजिक भिडियोमा सँगै नदेखिएका चर्चित नायक पल शाह र चर्चित नायिका आँचल शर्मा फेरि एक पटक सँगै देखिएका छन् । गायक राहुल विश्वास र गायिका स्नेहश्री थापाको नयाँ गीत ‘मायामा तिम्रो’ मार्फत उनीहरु फेरि एकैपटक स्क्रीनमा देखिएका हुन् । हेरौँ भिडियो रिपोर्ट–

नायक सागर घिसिङलाई एकै पटक दुई वटा अवार्ड

चर्चित नायक सागर घिसिङले एकैपटक दुई वटा अवार्ड प्राप्त गरेका छन् । शुक्रबार दोहा कतारमा आयोजित हिमालयन अन्तराष्ट्रिय म्यूजिक अवार्ड २०१९ मा ‘बेस्ट तामाङ मूभि आर्टिस्ट (मेल) ’ र ‘बेष्ट नेपाली तामाङ सेलो भिडियो मोडल (मेल)’ बिधामा उनले अवार्ड जितेका हुन् । उनले तामाङ कथानक चलचित्र ‘घ्रान’ को ‘तिङ मी ढुकढुक’ बोलको गीतबाट उत्कृष्ट नायक र चर्चित तामाङ गीत ‘ए बिना ङा’ बाट उत्कृष्ट मोडलको अवार्ड जितेका हुन् । हिमालयन ईभेन्टस् प्रा.लिको आयोजनामा शुक्रबार दिउँसो अवार्ड वितरण कार्यक्रम भएको थियो ।

‘ए बिना ङा’ बोलको तामाङ गीतमा गायक आर.के योञ्जन र गायिका जितु लोप्चनको आवाज सुन्न सकिन्छ । गीतमा कुमार स्याङ्बाको शब्द तथा निमा दोङको संगीत रहेको छ । गीतको म्यूजिक भिडियोमा नायक सागर घिसिङसँगै स्मारिका थिङको मूख्य अभिनय रहेको छ । अजय स्याङ्तानको निर्देशन र कोरियोग्राफीमा निर्माण भएको म्यूजिक भिडियोलाई सूर्य लामा र दिपेन्द्र भट्टले खिचेका हुन् । यो सामाग्री तयार पार्दाको समयमा नै यो गीतको भिडियोलाई ४ लाख ७३ हजार ५ सयभन्दा बढी पटक हेरिएको । ३ हजार २ सयभन्दा बढी कमेन्ट गरिएको गीतमा करिब ४ सयभन्दा बढी कमेन्टहरु गरिएका छन् ।

त्यस्तै ‘तिङ मी ढुकढुक’ बोलको गीतमा सागरसँगै नायिका सुष्मा मोक्तानले अभिनय गरेका छन् । यो सामाग्री तयार पार्दाको समयमा यस गीतलाई युट्युबमा ३ लाख ९७ हजारभन्दा बढी पटक हेरिएको छ । ३ हजार बढी लाईक गरिएको गीतको म्यूजिक भिडियोमा ३ सयभन्दा बढी कमेन्टहरु गरिएका छन् । विशाल काल्तान र जीतु लोप्चनको सुमधुर आवाज समेटिएको गीतमा गायक काल्तानकै संगीत रहेको छ भने कुमार स्याङ्बाले गीतको शब्द लेखेका हुन् । गीतलाई चाँद सिंहले एरेन्ज गरेका छन् ।

हेटौँडाका युवाहरुले बनाए ‘माया संसार’

मकवानपुरको हेटौँडाबाट कला क्षेत्रमा क्रियाशिल ओपेरा इन्फोटेन्मेन्ट सिने प्रालिको नयाँ कभर भिडियो रिलिज हुने तयारीमा छ । आउँदो चैत्र ८ गते प्रदर्शनको तयारीमा रहेको नेपाली कथानक चलचित्र ‘कागजपत्र’ को ‘माया संसार’ बोलको गीतमा कभर भिडियो तयार पारिएको हो । ओपेराका संचालक, नृत्य प्रशिक्षक तथा कलाकार विक्रम लुङ्वाले भिडियो रिलिजको अन्तिम तयारी गरिएको जानकारी दिए । भिडियोको पोष्टर सामाजिक सञ्जाल फेसबुकमा पोष्ट गर्दै उनले भिडियो रिलिजको तयारी भएको जानकारी दिएका हुन् । विक्रमकै परिकल्पना तथा निर्देशनमा बनेको भिडियोमा विक्रमसहित रायु घले, अर्पणा सुनुवार र लुमी गोलेको अभिनय रहेको छ ।

सार्वजनिक पोष्टरमा विक्रम एक दुधवालाको गेटअपमा प्रस्तुत भएको देखिन्छन् । त्यस्तै रायु र अर्पणालाई रोमाण्टिक मुडमा देखाइएको छ । लुमी स्कुटीमा हुँकिएकी छिन् । ओपेराको यस अघि नै सार्वजनिक गरिएको ‘पिरतीको मिठो तिर्सना’ कभर भिडियो निकै चर्चित बनेको थियो । उक्त भिडियोमा रायु घले र रिकिता क्षेत्रीको अभिनयलाई निकै नै रुचाइएको थियो ।

मुटुदेखि मुटुसम्मको वेब सिरिज सुरु (भिडियो सहित)

आदरणीय पाठक, दर्शकवृन्द तथा श्रोता साथीहरु, हाल रेडियो अनमोल ९० मेगाहर्ज र अनलाईनमा बाट http://radioanmol.com/ प्रसारण भईरहेको युवाहरुकै रोजाईको कार्यक्रम ‘मुटुदेखि मुटुसम्म’ को वेब सिरिज पनि सुरु गरेको छु । रेडियोमा रेडियो भर्सनको करिब ४५ मिनेटको कार्यक्रम बज्ने गर्छ । जसमा तपाईहरुकै प्रेमसँग सम्बन्धित सन्देश, एसएमएस, फेसबुक कमेन्ट र प्रेमसँग सम्बन्धि तपाईको समस्याहरुका बारेमा कुराकानी गर्ने गरेको छु । साथै यस मुर्चुङ्गा टिभी युट्युब च्यानल मार्फत हामीले यसै कार्यक्रमको वेब भर्सन (वेब सिरिज) पनि सुरु गरेका छौँ । जसलाई अंगे्रजीमा का नामले समेत सर्च गरेर हेर्न सक्नुहुनेछ । यस सिरिजमा प्रेम र भावनात्मक सम्बन्धका बारेमा करिब ५ देखि १० मिनेटको भ्वाईस कभर सहितको भिडियो तयार गर्ने गरेका छौँ । यसको सुरुवात स्वरुप प्रेम दिवसको दिनदेखि वेब सिरिज सार्वजनिक गर्न सुरुवात गरेका छौँ । वेब सिरिज कस्तो लाग्यो हेरेर, सुनेर भिडियोमा लाईक, कमेन्ट र सब्स्क्राईब गरिदिनुहुन अनुरोध छ । हेर्नुहोस् वेब सिरिजको पहिलो भाग–

भ्यालेन्टाईन्स् डे, अर्थात प्रेम दिवस । कोही माया गर्नेप्रतिको सम्मान दर्शाउन यो दिनले कुनै कसर बाँकी नराखेको रुपमा मान्न सकिन्छ । तर के प्रेम गर्ने प्रतिको यो साँचो सम्मान हो ? के प्रेमदिवसले कुनै पनि बिग्रिएको सम्बन्धलाई सुधार्न सक्छ ? के प्रेम दिवसले तपाईको गुमिसकेको प्रेमलाई फर्काउन सक्छ ? वास्तवमा साँचो प्रेम के हो ? यी र यस्तै प्रश्नलाई जन्मदिन्छ प्रेम दिवसले ।

प्रेम दिवसकै दिन अनेकाँै गुलाफका फुलहरु बिक्री हुन्छन्, उपहारका पोकाहरु करोडौँको मूल्यमा विश्वभर विक्री हुन्छन् । विश्वभरी नै सुन्दर पार्कहरु अनि कफि सप र नाईट क्लबहरु प्रेम दिवसकै दिन भरिभराउ हुन्छन् । अर्थात प्रेम दिवसमा ठूलो व्यापार हुन्छ । कहिलेकाँही यहाँ प्रेमदिवसकै दिनमा यौनको व्यापार मौलाउँछ । प्रेम दिवसको रोमाञ्चक अनुभूतिमा हराएर यहाँ कयाँै मनहरु साटिन्छन् । अनि फेरिन्छन् फेरि अर्को रगतको तन्ना जहाँ एक प्रेमदिवसमा क्षतविक्षत भएको सम्बन्धले फेरि अर्को सम्बन्धलाई बढावा दिन्छ र यो क्रम निरन्तर चलिरहन्छ । त्यो बेलासम्म जबसम्म मानिसले वास्तविक र साँचो प्रेमलाई चिन्दैनन् । क्षणिक मोजमज्जा र क्षणिक प्रेममा हामी एउटा अध्याय समाप्त पार्छौँ अनि अर्को अध्यायलाई सुरुवात गर्छौँ । प्रेम दिवसमा कस्सिएका अंगालोहरु रात नसकिँदै खुकुलो हुँदै जान्छ । अनि अर्को प्रेम दिवसमा फेरि अर्कै अंगालोको चाहानामा हामी भौतारिन्छाँै । कयौँ अंगालोहरु फेरिसक्दा मात्र हामीलाई यो कुरा थाहा हुन्छ कि वास्तविक प्रेम त हामीले सोचेको भन्दा निकै परको कुरा रहेछ ।

हामी प्रेमको नाममा आफुलाई लुटाउँछौँ, बिना अर्थ मनलाई दुखाउँछाँै । जसरी सृष्टिकर्ताको प्रेमलाई भुलेर हामी उनको सट्टा उनैले सिर्जना गरेका भौतिक वस्तुसँगको प्रेमालापमा लिप्त हुन्छाँै त्यसरी नै हाम्रो मनमा पलाएको प्रेमको पालुवालाई कयौँ भ्यालेन्टाईन्स् डेले क्षतविक्षत पारीसकेको हुन्छ । अन्तमा जब हामी आफ्नो जीवनसाथी छान्छौँ त्यसबेला हामीले हाम्रो जीवनसाथीलाई दिने अमुल्य उपहार गुमाईसकेका हुन्छौँ । जब आफ्नो जीवनसाथीको अंगालोमा बाँधिदै गर्दा आफुले गरेको पापको सम्झना आउँछ तब हामीलाई जीवनसाथीको कसिलो अंगालोले पनि बिझाउँछ, जीवनसाथीको सच्चा प्रेमले हामीलाई घोँच्न थाल्छ । जसरी समुन्द्र भेट्ने लालसामा नदिले आफ्नो अस्तित्व गुमाउँछ त्यसरी नै हामीले वास्तविक प्रेमको आधार खोज्दा आफुलाई गुमाईसकेको महशुस गर्छौँ । आफ्नो जीवनसाथीलाई दिने अमुल्य उपहारलाई हामीले फेरि कहिल्यै नजोडिने गरी तोडिसकेका हुन्छौँ । तर पनि हामीसँग एउटा आधार हुन्छ साँचो प्रेमलाई अंगाल्ने । आफुले गरेका गल्तीहरुलाई जीवनसाथीसँग साझा गरेर उसलाई माफी माग्यौँ भने हामी अवश्य पनि साँचो प्रेम पाउन लायक हुनेछौँ । तर यहाँसम्म सोच्न हामी कहाँ सक्छौँ र ? हामी त बरु जीवनलाई समाप्त पार्ने खेलमा लाग्छौँ । जीन्दगी यस्तै हो भनेर मृत्यूको बाटो रोज्छौँ ।

हामीले यो कुरा बिर्सन्छौँ कि कोही बिना कोही मर्ने वा बाँच्ने हुँदैन, यो त बस मनको आवेग हो, जसले हामीलाई अमुल्य जीवन नष्ट गर्ने बाटो तर्फ डोराउँछ । त्यसैले मनमा एउटा चाहा हुन्छ कि हाम्रो प्रेमले पूर्णता पाओस् । साँचो प्रेमलाई चिनेर कोही पनि मान्छेले आफ्नै जीवनसाथीलाई धोका नदेओस्, मनका आवेग र जवानीका तरङ्गहरुले हाम्रो मनलाई विचलित पारेर गलत बाटोतिर नडोर्याओस् । बरु एउटा मनको साँचो प्रेमलाई, एउटा मनको मायालु आभाषलाई उसको वास्तविक प्रेमम्म डोराउन सकोस्, जसले पुराउन सकोस् हरेक प्रेमको आभाषलाई उसकै हकदारको मनसम्म, मुटुदेखि मुटुसम्म ।


यसमा तपाइको मत

Your email address will not be published. Required fields are marked *


*