हेटौँडाका गोलेलाई बहुविवाह केसमा कैद फैसला, बलात्कार केसमा थापालाई जेल चलान

९ जेष्ठ २०७६, बिहीबार ०६:५५

मकवानपुर, ९ जेठ । मकवानपुरमा बसोबास गरिरहेका एक युवकलाई बहुविवाह केसमा कैद फैसलाका साथै अर्का युवकलाई बलात्कार केसमा जेल चलान गरिएको छ । जिल्ला अदालत मकवानपुरले बहुविवाह बदर गर्दै हेटौँडा उपमहानगरपालिका वडा नम्बर १३ का दिनेश गोलेलाई एक वर्ष कैद फैसला गरेको हो ।

मंगलबार बसेको जिल्ला न्यायाधिश स्वीकृति पराजुलीको इजलाशले गोलेलाई बहुविवाह गरेको ठहर गर्दै एक वर्ष कैद गर्ने फैसला गरेको हो । उनीसँग दोस्रो विवाह गर्ने महिलाले भने कसुर कायम गर्ने इजलाशबाटै सफाइ पाएकी छिन् ।

त्यस्तै बालिकालाई बलात्कार गरेको ठहर गर्दै जिल्ला अदालत मकवानपुरले एक युवकलाई साढे ९ वर्ष कैद गर्ने फैसला गरेको छ । जिल्ला न्यायाधिश खडानन्द तिवारीको मंगलबार बसेको इजलाशले गोर्खा घर भई हेटौंडा उपमहानगरपालिका–२ बस्ने १८ वर्षीय प्रविण थापा मगरलाई १२ वर्षीया बालिकालाई बलात्कार गरेको ठहर गर्दै उक्त फैसला गरेको हो ।

दोषीबाट पीडितलाई ५० हजार रुपियाँ क्षतिपूर्ति भराउने आदेश समेत भएको छ । मगरले २०७५ साल भदौ ११ गते बालिकालाई बलात्कार गरेका थिए ।

यो पनि हेर्नुहोस्

वडावासी र शिक्षकको सम्बन्ध सुधार्ने प्रयासमा वडाअध्यक्ष ललित घलान

हेटौँडा उपमहानगरपालिका वडा नम्बर १२ का वडा अध्यक्ष तथा वडा शिक्षा समितिका अध्यक्ष ललित घलानले आफ्नो वडामा समुदाय र शिक्षकको सम्बन्ध सुमधुर बनाउने प्रतिवद्धत्ता जनाएका छन् । मकवानपुरको हेटौँडाबाट प्रकाशन हुँदै आएको समृद्ध समाज राष्ट्रिय दैनिक तथा रेडियो निकासका वरिष्ठ सञ्चारकर्मी ज्योति न्यौपानेसँगको कुराकानीमा उनले त्यस्तो बताएका हुन् ।

हेटौँडामा चलचित्र पत्रकारिता सम्मान, डा. नवराज लम्साल र रोशन पराजुलीलाई सम्मान