रोज लामा तेस्रो नम्बरमा, भोट गर्न अब थोरै समय बाँकी

२४ बैशाख २०७६, मंगलवार ०८:५६

चन्द्र घलान/मकवानपुर, २४ बैशाख । मिस नेपाल २०१९ अन्तर्गत ‘मिस ब्युटिफुल हेयर’ को भोटिङमा रोज लामाले लगातार सातौँ स्थानबाट अगाडि बढ्दै तेस्रो स्थानसम्मको यात्रा तय गरेकी छिन् । मिस ब्युटिफुल हेयरका लागि अहिले लिभोन लाईफ एप मार्फत भोटिङ भईरहेको छ । बैशाख २४ गते बिहान ८ बजेसम्मको अपडेट अनुसार रोज लामाले ९.१३ प्रतिशत भोट ल्याउँदै तेस्रो स्थान ओगटेकी छिन् ।

काठमाडौँ जोरपाटीकी स्थायी निवासी रोज लामा २० वर्षकी छिन् । उनी ५ फिट ६ ईन्च उचाईकी छिन् । क्यालोफोर्नियामा बस्ने नेपालीहरुमाझ भएको मिस नेपाल क्यालेफोर्निया २०१७ की बिजेता समेत बनिसकेकी रोज लामाले ट्यालेन्ट राउण्डमा पेन्टिङ बनाएकी थिईन् । उक्त पेन्टिङ देखि नै उनलाई मिस नेपालको दाबेदारका रुपमा हेरिएको छ । धेरै जसो युट्युबर तथा समाचार पोर्टलहरुले उनलाई मिस नेपाल वर्ल्र्ड तथा मिस इन्टरनेसनलका रुपमा उनलाई दाबी गरेका छन् । उनले कानुनमा पहिलो पटक पिएचडी गरेकी नेपाली महिला, समाजसेवी एवम् प्रोफेसर डाक्टर शान्त थपलियाको तस्बिरलाई क्यानभासमा उतारेकी थिईन् । उनको पेन्टिङ कलाको अहिले सर्वत्र चर्चा समेत भईरहेको छ । त्यस्तै मिस नेपालमा गोल्ड स्टार मिस एथलेट अन्तर्गत भएको सटपुट प्रतियोगितामा रोजले तृतिय स्थान हासिल गरेकी थिईन् ।
Rose Lama Miss Nepal-Murchunga TV
फुर्सदको समयमा अध्ययन गर्न, लेख्न तथा नयाँ नयाँ खोज गर्न मनपर्ने उनले सफल इन्डष्ट्रीयल डिजाईनर र समाजसेवी बन्ने लक्ष्य राखेकी छिन् । कन्स्ट्रक्टिभ टु डी र थ्री डि डिजाईन ड्रईङ गर्न पनि उनलाई मनपर्छ । इन्टीरियर डिजाईनिङ र स्टुडियो आर्ट विषयमा स्नातक गर्दै गरेकी रोज लाईन्स क्लब इन्टरनेसनल एम्बासेडर अफ गुडविल हुन् भने इओपिएसमा पियर एडभाईजरका रुपमा समेत कार्यरत छिन् । मिस नेपालको फाईनलको दौडान मिस पपुलर च्वाईस जितेमा उनी सिधै फाईनलमा पुग्ने छिन् । रोजसहित अन्य प्रतियोगिलाई मिस पपुलर च्वाईसमा भोट गर्ने तरिकाका बारेमा यो भिडियो हेर्नुहोस्–

मिस ब्युटिफुल हेयरमा सबैभन्दा बढी भोट प्राप्त गर्दै काठमाडौँकी प्रदिप्ता अधिकारी अगाडि छिन् । उनले यो सामाग्री तयार पार्दाको समयमा २४.९३ प्रतिशत भोट प्राप्त गरेकी छिन् । उनी मिस एथलेटकी विजेता समेत हुन् । काठमाडौँकी सान्त्वना मालाकार १८.०७ प्रतिशत भोट प्राप्त गर्दै दोस्रो स्थानमा छिन् । त्यस्तै काठमाडौँकी रोज लामा ९.१३ प्रतिशत भोट प्राप्त गर्दै तेस्रो स्थानमा र काठमाडौँकी रिया बस्नेत ८.१९ प्रतिशत भोट प्राप्त गर्दै चौथो नम्बरमा छिन् । काठमाडौँकी अनुष्का श्रेष्ठ ७.८९ प्रतिशत भोट प्राप्त गर्दै पाँचौँ स्थानमा छिन् । काठमाडौँकी निशा पाठक ६.३७ प्रतिशत भोट प्राप्त छैठौँ स्थानमा छिन् भने भैरहवाकी शिवानी घिमिरे ५.२७ प्रतिशत भोट प्राप्त गर्दै सातौँ स्थानमा छिन् । चितवनकी विपना सुवेदी ४.८ प्रतिशत भोट प्राप्त गर्दै आठौँ स्थानमा, काठमाडौँकी सोफिया भुजेल ४.७ प्रतिशत भोट प्राप्त गर्दै नवौँ स्थानमा र काठमाडौँकी रक्षा उप्रेती २.४५ प्रतिशत भोट प्राप्त गर्दै दशौँ स्थानमा छिन् ।
Suveksha Adhikari Miss Nepal-Murchunga TV 1
मिस ब्युटिफुल हेयरको भोटिङमा ललितपुरकी अस्मिता महर्जनले १.६८ प्रतिशत, काठमाडौँकी प्रथा अधिकारीले १.१४ प्रतिशत, मोरङकी जेनिशा थपलियाले ०.७९ प्रतिशत, भद्रपुरकी पुजा श्रेष्ठले ०.७२ प्रतिशत र ललितपुरकी नितिका कर्मचार्यले ०.६८ प्रतिशत भोट प्राप्त गरेकी छिन् । त्यस्तै पोखराकी एलिशा जोशीले ०.६७ प्रतिशत, पोखराकी सारा बजिमायाले ०.६६ काठमाडौँकी न्यान्सी बोगटीले ०.३६ प्रतिशत, काठमाडौँकी किरण थापाले ०.३४ प्रतिशत र काठमाडौँकी जेन्नी महर्जनले ०.३३ प्रतिशत भोट प्राप्त गरेकी छिन् । ललितपुरकी सुभेच्छा अधिकारीले ०.३२ प्रतिशत, भैरहवाकी सँस्कृति घिमिरेले ०.१९ प्रतिशत, भक्तपुरकी मिरा कक्षपतिले ०.१६ प्रतिशत र ललितपुरकी लक्ष्मी राउतले ०.१ प्रतिशत भोट प्राप्त गरेकी छिन् । भोटिङ लिष्टको अन्तिममा ०.०५ प्रतिशत भोट प्राप्त गर्दै झापाकी प्रकृति कट्वाल अन्तिम स्थानमा छिन् ।

Sara Bajimaya Miss Nepal-Murchunga TV

लिभोनमा प्राप्त भोट र आयोजकको निर्णय अनुसार मिस ब्युटीफुल हेयर छनौट गरिने छ । हामी भोट गर्नेहरुले सुरुमा साईन अप अर्थात लग ईन गर्दा २० भोट दिन पाउने सुविधा दिईन्छ र हरेक दिन लग ईन गर्दा १० भोट दिने सुविधा दिईन्छ । अर्थात तपाईले हरेक दिन १० भोट पाउन सक्नुहुन्छ । तर यदि रिफर गर्दा साथीले पनि एप लग ईन गर्यो भने दुबैले थप २० भोट गर्न सक्नेछन् । भोट गर्नेहरुमध्येबाट एक जनाले मिस नेपालको फाईनल लाईभ शोमा प्रवेश पाउनेछन् । भोटिङ मे ८ तारिखको दिउँसो १२ बजेसम्म खुला रहनेछ । मिस नेपालको २५ औँ सँस्करणको फाईनल मे ९ तारिखमा गरिँदै छ । लिभोन लाईफ एपबाट भोट गर्ने तरिकाका बारेमा यो भिडियो हेर्नुहोस्–