बिरेन्द्र गोलेको नेतृत्वमा कमिटि गठन

२३ बैशाख २०७६, सोमबार २२:१४

मकवानपुर, २३ बैशाख । मकवानपुरको इन्द्रसरोवर गाउँपालिकामा बिरेन्द्र गोलेको नेतृत्वमा १७ सदस्यीय गोले तामाङ बंश उत्थान समाजको इन्द्रसरोबर गाउँपालिका गाउँ इकाई कमिटि गठन भएको छ । गत शनिबार बिरेन्द्र अध्यक्ष रहने गरी नयाँ कार्यसमिति गठन गरिएको सञ्चारकर्मी दिलबहादुर लामाले जानकारी दिए ।

समाजको गाउँ इकाई कमिटीको उपाध्यक्ष मनोजकुमार गोले, सचिव भरत गोले, कोषाध्यक्ष झिल्के गोले र सहसचिवव दिलबहादुर गोले चयन भएका छन् । त्यस्तै सदस्यहरुमा सुरेश कुमार गोले, कुमार बहादुर गोले, जितबहादुर गोले, ईश्वर गोले, सानुकान्छा गोले, बुद्ध गोले, रेशम गोले, पूर्ण गोले, श्याम गोले, दिनेश गोले, शुस्मा गोले, सुवाश गोले लगायत चयन भएका छन् ।

Gole Bangsa Utthan Samaj-Murchunga TV 2

गोले तामाङ वंश उत्थान समाजका जिल्ला अध्यक्ष राजकुमार गोलेका अनुसार तामाङ समुदायभित्र गोले थरका वंशहरुलाई एकीकृत गराउने उदेश्यका साथ समाजको स्थापना गरिएको हो । उनका अनुसार संघीय संरचना अनुसार समाजको स्थानीय तहमा समेत कमिटि गठन गर्ने अभियान शुरु गरिएको छ । गोले तामाङ बंश उत्थान समाजका केन्द्रिय सदस्य शुभरत्न गोलेको प्रमुख आतिथ्यतामा भएको कार्यक्रम बिरेन्द्र गोलेकै अध्यक्षतामा भएको हो । कार्यक्रममा जिल्ला अध्यक्ष राजकुमार गोले, सचिव रोशन गोले, सदस्य कुमार गोले लगायतको उपस्थिति रहेको थियो ।