गायक अशोक तामाङसहित ख्यातिप्राप्त कलाकारहरु फाखेलमा आउँदै

२३ बैशाख २०७६, सोमबार २१:२९

मकवानपुर, २३ बैशाख । चर्चित गायक तथा संगीतकार अशोक तामाङसहितको राष्ट्रिय ख्यातिप्राप्त कलाकार टोलीले मकवानपुरको ईन्द्रसरोवर गाउँपालिका वडा नम्बर ४ फाखेलमा हुने साँस्कृतिक कार्यक्रममा प्रस्तुति दिने भएका छन् । यहि बैशाख २८ गते शनिबार फाखेल चौरमा अवस्थित श्री कालिका माध्यमिक विद्यालयको ५८ वार्षिक अभिभावक भेलाका अवसरमा आयोजना गरिने विविध साँस्कृतिक कार्यक्रममा उनीहरुले प्रस्तुति दिन थालेका हुन् ।

Ashok tamang Fakhel Program-Murchunga TV

साँस्कृतिक कार्यक्रमको जानकारी

राष्ट्रिय सभा सदस्य रामनारायण बिडारीको प्रमुख आतिथ्यतामा हुने कार्यक्रममा कृषि प्राविधिक कक्षा सञ्चालन, डिजिटल स्मार्ट कक्षा आईसिटि, बाल उद्यान र मन्टेश्वरी विधि सहितको ईसिईडी कक्षाको उद्घाटन समेत गरिनेछ । सो अवसरमा हुने साँस्कृतिक कार्यक्रममा गायक तथा संगीतकार अशोक तामाङ सहित लोक सेलो गायक रविन्द्र लामा, लोक गायक सरोज लामिछाने, लोक गायिका चिजा तामाङ, मोडल स्वरुपा बल, हाँस्य कलाकार विजय बिसी लगायतका राष्ट्रिय ख्यातिप्राप्त गायक, मोडल तथा कलाकारहरुले साँस्कृतिक प्रस्तुति दिनेछन् ।

Ashok Tamang & Rabinra Tamang-Murchunga TV

गायकद्वय अशोक तामाङ र रविन्द्र तामाङ

कार्यक्रममा गायक तथा संगीतकार तामाङले सामाजिक सञ्जाल मार्फत सहभागी हुनका लागि दर्शकहरुलाई आग्रह समेत गरेका छन् । उनले लेखेका छन्–‘ यहि आउँदो शनिबार २८ गते फाखेलचौर मकवानपुरमा श्री कालिका माध्यमिक बिद्यालयको आयोजनामा वार्षिक उत्सव तथा विविध साँस्कृतिक कार्यक्रममा राष्ट्रिय ख्यातिप्राप्त कलाकारहरुको साथमा म पनि आउँदै छु, पायक पर्ने सम्पुर्णमा चुले निम्तो छ हजुर, जय गित जय संगीत ।’