मकवानपुरका थिङ भिमफेदी कारागार चलान

२९ चैत्र २०७५, शुक्रबार ०७:५३
Karagar Chalan-Murchunga TV

मकवानपुर, २९ चैत । वि.सं. २०७२ सालदेखि हातहतियार खरखजना मुद्दाका फरार प्रतिवादी मकवानपुरका मौसम थिङलाई भिमफेदी कारागार चलान गरिएको छ । मकवानपुरको साविक राक्सिराङ गाविस वडा नम्बर ८ का थिङलाई चैत्र २७ गते सजाय भुक्तानको लागि जेल पठाइएको जिल्ला प्रहरी कार्यालय मकवानपुरले जनाएको छ ।

वि.सं. २०७२ जेठ ६ गते राति साँढे ९ बजेको समयमा मकवानपुरको मनहरी ३ मा अवस्थित बिजय लामाको घरमा ल्याप्टप र मोबाईल चोरी भएको थियो । चोरीको खबर प्राप्त भएपछि प्रहरीले खोजतलासका क्रममा केही मानिसहरु भागेको देखेपछि पिछा गर्दा उनीहरुले बोकेको झोलामा कटुवा पेस्तोल १ थान, ३०३ राईफलको गोली ३ राउण्ड, एस एल आर को गोली १४ राउन्ड, लोड भएको गोली १ राउन्ड, खुकुरी १ थान र फलामको रड १ थान फेला परेको थियो ।
बर्ष २८ को मौसम थिङ फरार भएको र जिल्ला अदालत मकवानपुरको २०७२ चैत्र ४ गतेको फैसलाले हात हतियार खरखजना मुद्दामा ४ बर्ष कैद सजाय तोकेको थियो । तत्पश्चात थिङ फरार रहेका थिए । उनलाई २०७५ चैत २७ गते मनहरी गाउँपालिका वडा नम्बर ७ बिजौनाबाट पक्राउ गरी जिल्ला अदालत उपस्थित गराइएको थियो । उनलाई प्रदेश नम्बर ३ प्रदेश प्रहरी कार्यालय र यस जिल्ला प्रहरी कार्यालय मकवानपुरको टोलीले पक्राउ गरेको हो ।

यो पनि हेर्नुहोस्

को बन्छ Miss Nepal 2019 ? यस्ता छन् Miss Nepal 2019 Top 26 Contestants

स्वर्गीय श्रीकृष्ण श्रेष्ठका हेर्नैपर्ने ५ चलचित्रहरु

मुटुदेखि मुटुसम्म सेरिज–३ सपना र प्रेम

रोग लागेपछि बिरामी श्रीमती छोडेर श्रीमान बेपत्ता

गुगल विज्ञापन नभए पनि युट्युबबाट पैसा कमाउने ४ तरिकाहरु

छाती पिटेर श्रीमती रोइरहँदा कफिनको लास किन बोलेन ?

आँचलले पलको पोल खोलिन्

अशोक दर्जीको खतरा कमेडी भिडियो


यसमा तपाइको मत

Your email address will not be published. Required fields are marked *


*