चलचित्र ‘कल्चर’ को ट्रेलर युट्युबमा सार्वजनिक

९ मंसिर २०७५, आईतवार १४:५९

मकवानपुर, ९ मंसिर । नेपाली कथानक चलचित्र ‘कल्चर’ ट्रेलर युट्युब मार्फत सार्वजनिक गरिएको छ । मकवानपुरको थाहा नगरपालिकाबाट दर्ता भई चर्चामा आउन सफल थाहा कला केन्द्रको प्रस्तुति तथा लाबा मिडिया प्रालिको ब्यानरमा निर्मित चलचित्रको ट्रेलर हाईलाईट्स नेपालमार्फत सार्वजनिक गरिएको हो ।

गएको बैशाखमा थाहा नगरबाटै शुमुहुर्त गरी छायाँकन थालिएको चलचित्रको यही मंसिर १५ गते थाहा नगरमा नै प्रिमियर शो गरिने छ । त्यसपश्चात मकवानपुर सहित अन्य स्थानहरुमा समेत चलचित्र रिलिज गरिने बताइएको छ । चलचित्रमा थाहा कला केन्द्रका अध्यक्ष सानोबाबु मोक्तानको कथा र निर्देशन रहेको छ ।

आत्माहत्याको न्यूनिरकण कसरी गर्न सकिन्छ भन्ने विषय समेटिएको चलचित्रमा सर्वनाम थिएटरकी कलाकार मिना पुर्णिमा खड्कासहित मकवानपुरकै कलाकारहरु दिपराज खत्री, बिना मुक्तान, चन्द्र लामा, नुमा गुरुङ, शुभराज भोम्जन, रुपक कालिराज, विनित रायमाझी, मुना लामा, शान्ति घले, शान्ति सिन्तान, मनोज तितुङ, शार्मिला स्याङ्तान, उर्मिला स्याङ्तान लगायतको अभिनय रहेको छ ।

चललिचत्रको छायांकन थाहा नगरपालिकाको भाङखोरिया (कोटथुम्की) र मकवानपुरका विभिन्न स्थानमा गरिएको छ । चलचित्रमा रिता मगरले कार्यकारी निर्देशकको भूमिका निर्वाह गरेकी छिन् । चलचित्रमा मुक्तिनाथ उप्रेती र बिवेक पाख्रिनको संगीत सुन्न सकिन्छ । चलचित्रका गीतहरुमा मेलिना राई, दिपराज खत्री, मुक्तिनाथ उप्रेती लगायतले स्वर दिएका छन् । श्याम गौतमको छायाँकन रहेको चलचित्रमा सञ्जय मण्डलको ब्याकराउण्ड स्कोर रहेको छ । हेर्नुहोस् ट्रेलर–