यी हुन् मिस युनिभर्स नेपाल २०२० का उत्कृष्ट २१ प्रतियोगीहरु

२५ मंसिर २०७७, बिहीबार १३:२२
Featured Video Play Icon

चन्द्र घलान, मकवानपुर, २५ मंसिर । मिस युनिभर्स नेपाल २०२० को लागि उत्कृष्ट २१ जना प्रतियोगीहरु छानिएका छन् । मिस युनिभर्स नेपालको मोबाईल एप तथा अन्य विभिन्न माध्यममार्फत भएको भोटिङका आधारमा उत्कृष्ट २१ प्रतियोगीहरु छानिएका हुन् । उत्कृष्ट २४ मा परेका आस्था पाण्डेय र अरुणी वाईबा प्रतियोगिताबाट बाहिरिएका थिए । त्यस्तै उत्कृष्ट २२ का लागि छानिएकी ऐश्वर्य खतिवडाले व्यक्तिगत कारणले प्रतियोगिता छोडेपछि उत्कृष्ट २१ जना अघिल्लो राउण्डका लागि छानिएका हुन् । मिस युनिभर्स नेपाल २०२० को फाईनल डिसेम्बर ३० मा हुनेछ । यस भिडियो सामग्रीमा मिस युनिभर्स नेपाल २०२० का लागि छनौट भएका उत्कृष्ट २१ जना प्रतियोगीहरुले प्राप्त गरेको भोट र उनीहरुको बारेमा छोटकरीमा चर्चा गर्दैछौँ । हेर्नुहोस् भिडियो सामाग्री–

मिस युनिभर्स नेपाल २०२० को उत्कृष्ट २१ मा पुगेकी पहिलो प्रतियोगी हुन् न्यान्सी खड्का । उनी संयुक्त राज्य अमेरिकाको क्यालिफोर्नियामा बसोबास गर्छिन् । उनले उत्कृष्ट २४ को भोटिङका क्रममा सबैभन्दा बढी भोट प्राप्त गरेकी थिईन् । उनले २२ हजार ५ सय २२ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी दोस्रो प्रतियोगी हुन् डाक्टर दिक्ता थापा । उनी काठमाडौँ निवासी हुन् । १३ वर्षको उमेरमा नै ब्युटी पेजेन्ट जितेकी उनी मिस युनिभर्समा पनि राम्रो नतिजा ल्याउने तयारीमा छिन् । उनले उत्कृष्ट २४ को भोटिङका क्रममा दोस्रो स्थान प्राप्त गरेकी थिईन् । उनले १६ हजार ५ सय ८९ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी तेस्रो प्रतियोगी हुन् रजनी मिश्र । रजनी नुवाकोटको पञ्चकन्या गाउँपालिका वडा नम्बर २ कबिलास निवासी हुन् । २३ वर्षिया रजनी भारतको ईन्स्टीच्यूट अफ चार्टड एकाउण्टेण्टबाट चार्टड एकाउण्टेण्टको अन्तिम परीक्षाको तयारीमा रहेकी छिन् । रजनीका बुवा बैकुण्ठ मिश्र पनि रजनीको प्रेरणाको श्रोत बनेका छन् । मिस युनिभर्समा सहभागी हुन उनका बुवाले पनि उनलाई साथ दिएका छन् । उनले उत्कृष्ट २४ को भोटिङका क्रममा तेस्रो स्थान प्राप्त गरेकी थिईन् । उनले १२ हजार ८ सय ३७ भोट प्राप्त गरेकी थिईन् ।

मिस युनिभर्स नेपाल २०२० को उत्कृष्ट २१ मा पुगेकी चौथो प्रतियोगी हुन् तिलु कुलुङ राई । उनी मोरङको उर्लाबारी निवासी हुन् । उनले उत्कृष्ट २४ को भोटिङका क्रममा ९ हजार ९ सय २ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी पाँचौँ प्रतियोगी हुन् डाक्टर आरिका रानाभाट । पोखरा निवासी आरिका मेडिकल डाक्टर हुन् । मिस लिटिल क्विन पोखरा २००६ की विजेता समेत बनिसकेकी आरिका सन् २००६ मा नै मिस लिटिल क्विन नेपालमा फर्स्ट रनर अप भएकी थिईन् । उनले उत्कृष्ट २४ को भोटिङका क्रममा ८ हजार २ सय २१ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी छैटौँ प्रतियोगी हुन् प्रिया हाडा । उनी काठमाडौँकी हुन् । उनले उत्कृष्ट २४ को भोटिङका क्रममा ७ हजार ७ सय ७४ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी सातौँ प्रतियोगी हुन् एञ्जल लामा । काभ्रेपलाञ्चोकको धिमाल गाउँपालिकामा जन्मिएकी एञ्जल २१ वर्षकी छिन् । मिस पिंक २०१८ की विजेता समेत बनिसकेकी एञ्जल तेस्रोलिंगी महिला हुन् । उनले नेपाली चलचित्र ‘ए मेरो हजुर ३’ मा जुनेली नामक तेस्रोलिंगी महिलाको भूमिका समेत निर्वाह गरेकी थिईन् । उनले सन् २०१९ मा मिस ईन्टरनेशनल क्विनमा पनि नेपालको तर्फबाट सहभागिता जनाएकी थिईन् । उनी पत्रकार र समाजसेवी पनि हुन् । उनले उत्कृष्ट २४ को भोटिङका क्रममा ५ हजार ७ सय २१ भोट प्राप्त गरेकी थिईन् ।

मिस युनिभर्स नेपाल २०२० को उत्कृष्ट २१ मा पुगेकी आठौँ प्रतियोगी हुन् परामिता राना । ललितपुर निवासी परामिता नेपाली सिने क्षेत्र तथा मोडलिङ क्षेत्रमा सक्रिय छिन् । चपली हाईट २ नामक नेपाली चलचित्रमार्फत डेब्यु गरेकी परामिता पछिल्लो समय नायिकाका रुपमा परिचित छिन् । उनी गायिकाका साथै सोसियल ईन्फ्लुयन्सर पनि हुन् । उनी २ अक्टोबर १९९३ मा जन्मिएकी हुन् । उनले चपली हाईट २ का साथै रोज, द म्यान फ्रम काठमाण्डु र चंगा चेट लगायतका चलचित्रमा पनि अभिनय गरेकी छिन् । १७ वर्षको उमेरदेखि मोडलिङ क्षेत्रमा लागेकी परामिता सन् २०१४ मा अन्तराष्ट्रिय टेलिभिजन विज्ञापनका लागि श्रीलंकामा छनौट भएकी थिईन् । उक्त विज्ञापन विश्वकप क्रिकेटका लागि रहेको थियो । उनले उत्कृष्ट २४ को भोटिङका क्रममा ५ हजार ४ सय ४ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी नवौँ प्रतियोगी हुन् रोज तामाङ । उनी पोखरा निवासी हुन् । उनले उत्कृष्ट २४ को भोटिङका क्रममा ४ हजार ९ सय ५५ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी दशौँ प्रतियोगी हुन् अंशिका शर्मा । उनी अष्ट्रेलियाको सिड्नीमा बस्छिन् । उनी मिस नेपाल ओसियाना २०२० की फर्स्ट रनर अप हुन् । उनले उत्कृष्ट २४ को भोटिङका क्रममा ३ हजार २ सय ३६ भोट प्राप्त गरेकी थिईन् ।

मिस युनिभर्स नेपाल २०२० को उत्कृष्ट २१ मा पुगेकी एघारौँ प्रतियोगी हुन् रोजिना श्रेष्ठ । उनी काठमाडौँ निवासी हुन् । उनी मिस टुरिजम वर्ल्ड २०१९ मा पनि सहभागी भएकी थिईन् । उनले उत्कृष्ट २४ को भोटिङका क्रममा २ हजार ७ सय ७४ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी बाह्रौँ प्रतियोगी हुन् सुदति श्रेष्ठ । सुदति ललितपुर निवासी हुन् । उनी सानैदेखि मिस युनिभर्स बन्न चाहान्थिन् । उनी मिस टिन नेपाल २०१५ मा पनि सहभागी भएकी थिईन् । उनले उत्कृष्ट २४ को भोटिङका क्रममा २ हजार ४ सय ७७ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी तेह्रौँ प्रतियोगी हुन् सुजिता बस्नेत । उनी संयुक्तराज्य अमेरिकाको मेरिल्याण्डमा बसोबास गर्छिन् । मिस मेरिल्याण्ड युएसएमा समेत तहल्का मच्चाएकी उनी पहिलो मिस नेपाल युएसए २०११ की विजेता पनि हुन् । उनले मिस मेरिल्याण्ड युएसएमा सेकेण्ड रनर अपको टाईटल र पब्लिक च्वाईस अवार्ड जितेकी थिईन् । उनी मिस वर्ल्ड अमेरिका २०१६ को सेमिफाईनलसम्म पुग्न सफल भएकी थिईन् । उक्त प्रतियोगितामा सुजिताले टपटेनसम्म यात्रा तय गरेपछि बिच ब्युटी तथा टप मोडल अवार्डको टप फाइभभित्र पनि समावेश भएकी थिईन् । उनी वासिङ्टनमै जन्मिएर सानैदेखि वासिङ्टनमै बसोबास गरेकी थिईन् । उनले उत्कृष्ट २४ को भोटिङका क्रममा २ हजार २ सय ३० भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी चौधौँ प्रतियोगी हुन् सुरभी खनाल । उनी संयुक्त राज्य अमेरिकाको भर्जिनियामा बसोबास गछिन् । २१ वर्षीया सुरभी एमोरी विश्व विद्यालय संयुक्त राज्य अमेरिकाबाट केमेष्ट्रीमा डिग्री गर्दैछिन् । उनी कवि र टिभी एङ्कर पनि हुन् । उनले मिस नेपाल युएस २०१९ को ताज पनि जितेकी छिन् । त्यस समयमा उनले मिस फोटोजेनिक तथा ब्युटी विदाउट लिमिट अवार्ड पनि जितेकी थिईन् । उनले उत्कृष्ट २४ को भोटिङका क्रममा १ हजार ८ सय ६४ भोट प्राप्त गरेकी थिईन् ।

मिस युनिभर्स नेपाल २०२० को उत्कृष्ट २१ मा पुगेकी पन्ध्रौँ प्रतियोगी हुन् डाक्टर प्रार्थना बस्न्यात । उनी मिस युनिभर्स नेपालमा निर्णायक र दर्शकहरुको मन जित्दै उत्कृष्ट २१ मा प्रवेश गरेकी छिन् । उनले उत्कृष्ट २४ को भोटिङका क्रममा १ हजार ४ सय ६४ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी सोह्रौँ प्रतियोगी हुन् परिक्षा विष्ट । काभ्रेपलाञ्चोक निवासी परिक्षा मेडिकल विद्यार्थी हुन् । उनी मिस एसिया नेपालकी फाईनालिष्ट पनि हुन् । उनले उत्कृष्ट २४ को भोटिङका क्रममा १ हजार २ सय ६६ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी सत्रौँ प्रतियोगी हुन् रोशनी खत्री । उनी ललितपुरको बुगमती निवासी हुन् । मिस नेपाल अर्थ २०१६ की विजेता समेत रहेकी रोशनी मिस नेपाल २०१६ की फर्स्ट रनर अप समेत हुन् । उनले मिस नेपाल २०१६ मा मिस कन्फिडेन्ट अवार्ड र मिस पर्सनालिटि अवार्ड समेत जितेकी थिईन् । रोशनीको जन्म १९ अप्रिल १९९६ मा भएको हो । बि.एस.सी. सी.एस. आईटी गरेकी रोशनीले सैनिक अवाशीय महाविद्यालय भक्तपुरबाट प्लस टु साईन्स गरेकी थिईन् । उनले सेन्ट जेभिएर्स कलेज माईतीघरबाट अण्डर ग्राजुएट अध्ययन सकाएकी थिईन् । उनले नेपाली सिने क्षेत्रका चर्चित नायक आर्यन सिग्देल, नायिका सन्ध्या केसी, स्वस्तिमा खड्का लगायतका कलाकारहरु अध्ययन गरेकै कलेजबाट अध्ययन गरेकी थिईन् । त्यसैले उनी अहिले पनि नेपाली कला क्षेत्रसँग नजिक छिन् । उनी हाल निर्माता, निर्देशक र कन्टेन्ट क्रियटरका रुपमा पनि कार्यरत छिन् । सुमधुर आवाजमा गीत गाउन सिपालु रोशनी कुनै समयमा कलेज आईडलमा पनि सहभागी भएकी थिईन् । नेपालका तर्फबाट मिस अर्थ २०१६ मा सहभागी भएकी उनले रिसोर्ट वेयरमा सिल्भर मेडल प्राप्त गरेकी थिईन् । उनले उत्कृष्ट २४ को भोटिङका क्रममा ७ सय २ भोट प्राप्त गरेकी थिईन् ।

मिस युनिभर्स नेपाल २०२० को उत्कृष्ट २१ मा पुगेकी अठारौँ प्रतियोगी हुन् निशा न्यौपाने । निशा मोरङ निवासी हुन् । उनले उत्कृष्ट २४ को भोटिङका क्रममा ६ सय ७८ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी उन्नाईसौँ प्रतियोगी हुन् ज्योति भट्ट । उनी बेल्जियममा बस्छिन् । उनले उत्कृष्ट २४ को भोटिङका क्रममा ६ सय ५३ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी बिसौँ प्रतियोगी हुन् निनाकान्त मण्डल । सन् २०१८ मा मिस एसिया रसियाको विजेता समेत बनेकी निनाकान्त मस्को, रसियामा बस्छिन् । उनी भारतमा मोडलका रुपमा पनि चर्चामा छिन् । उनले उत्कृष्ट २४ को भोटिङका क्रममा ४ सय ३७ भोट प्राप्त गरेकी थिईन् । मिस युनिभर्स नेपाल २०२० को उत्कृष्ट २१ मा पुगेकी एक्काईसौँ प्रतियोगी हुन् प्रिया सिग्देल । उनी काठमाडौँ निवासी हुन् । २५ वर्षीया प्रिया मिस नेपाल अर्थ २०१८ की विजेता समेत हुन् । उले डेभलप्मेन्ट स्टडिजमा नेशनल कलेज बालुवाटारबाट ग्राजुएट गरेकी छिन् । प्रिया पिछडिएका महिलाहरूको सशक्तिकरणका लागि काम गर्ने सामाजिक संस्था हात्तीहात्तीकी संस्थापक अध्यक्ष पनि हुन् । उनले फिलिपिन्समा भएको मिस अर्थमा नेपालको प्रतिनिधित्व गरेकी थिईन् । जहाँ उनी उत्कृष्ट १८ सम्म पुगेकी थिईन् । मिस नेपाल अर्थमा ब्युटी विथ अ पर्पस टाईटल समेत जितेकी उनी राजनीतिमा लागेर समाजको बृहत्तर रूपान्तरणमा भूमिका खेल्ने रहरले राजनैतिक पार्टीमा पनि आवद्ध भएकी छिन् । उनले उत्कृष्ट २४ को भोटिङका क्रममा १ सय ५७ भोट प्राप्त गरेकी थिईन् ।


यसमा तपाइको मत

Your email address will not be published. Required fields are marked *


*