१५ वर्षपछि प्रविण र रचनाको आवाजमा ‘हाम्रो माया चर्किएको’

२६ आश्विन २०७७, सोमबार १२:११
Featured Video Play Icon

मकवानपुर, २६ असोज । लोकप्रिय गीत ‘हाम्रो माया चर्किएको’ पून एक पटक बजारमा आएको छ । वि.सं. २०६१–६२ तिर रचना भएको यो गीत करिब १५ वर्षपछि पून सांगितिक बजारमा आएको हो । यस गीतमा सुरुमा गायिका सपना श्री र गायक कृष्णभक्त राईले आवाज दिएका थिए । त्यस समयमा समेत तहल्का मच्चाउन सफल यो रोमान्टिक गीतले पून एकपटक बजार तताएको छ । अहिले यो गीतलाई अहिलेका चर्चित गायक प्रविण बेड्वाल र गायिका रचना रिमालले आवाज दिएका छन् । प्रविण र रचनाको आवाजमा सार्वजनिक भएको यो दोस्रो डुयट गीत हो । यसअघि उनीहरु दुबैको आवाजमा ५३ वर्ष अघि रचना गरिएको ‘उनको प्रिती’ बोलको गीत सार्वजनिक भएको थियो जुन निक्कै लोकप्रिय भएको छ । अहिले सार्वजनिक भएको ‘हाम्रो माया चर्किएको’ ले पनि बजार जमाउने देखिएको छ । यो गीत दोस्रो पटक रेकर्ड भई सार्वजनिक भएको हो । हेर्नुहोस् यो भिडियो फिचर–

यो गीतलाई चर्चित गायक तथा संगीतकार बिमल डाँगीले लेखेका हुन् । गीतमा उनकै सँगीत रहेको छ । गीतमा बिबी अनुरागीले संगीत संयोजन गरेका छन् । गीतलाई श्याम श्वेत रसाईलीले मिक्सिङ गरेका छन् । गीतको म्युजिक भिडियोलाई उदिराम खड्काले निर्देशन गरेका छन् भने मिराज अर्यालले छायाँकन र सम्पादन गरेका छन् । म्युजिक भिडियोमा बिबेक खड्का, सचिन वली, बिन्दु खड्का, दिपक बिटिएल र मनोज खड्कालाई पनि फिचरिङ गरिएको छ । यस गीतको पुरानो भर्सन नेपाली चलचित्र ‘नमस्ते डोल्पा’ मा समावेश गरिएको थियो ।

गीत सार्वजनिक भएसँगै गीतका गायक प्रविण बेड्वालले सबै दर्शक श्रोतालाई सम्बोधन गर्दै एउटा कालजयी गीतमा आवाज भर्न पाएकोमा गर्व महशुस भएको बताएका छन् । उनी अगाडि लेख्छन्–‘आज फेरी अर्को कोसेली यहाँहरुमाझ प्रस्तुत गरेको छु । विमल डाँगीज्यूको शब्द र संगितमा एउटा कालजयी गीत ‘हाम्रो माया चर्किएको’ मा मैले स्वर भर्न पाएको छु । यो सुनौलो अवसर दिनुभएकोमा आदरणीय डाँगीज्यूप्रति आभार व्यक्त गर्दछु । सुन्दर शब्दमा मैले अधिकतम मिहिनेत गरेर स्वर दिएको छु, रचना रिमालले पनि साथ दिएकी छिन् । यसअघि मैले गाएका गीतहरुलाई जस्तै यसलाई पनि माया गरिदिनुहुनेछ भन्ने विश्वास लिएको छु । सुनेर प्रतिक्रिया व्यक्त गरिदिनुहुन हार्दिक अनुरोध गर्दछु ।’

त्यस्तै गीतका लेखक तथा संगीतकार बिमल डाँगीले पनि सन्देश सहित गीतलाई शेयर गरेका छन् । उनी लेख्छन्–‘हाम्रो माया चर्किएको एैनासरी नफुटोस्’ हजुरहरुले धेरै नै मनपराउनु भएको यो गीतलाई फेरी नयाँ स्वादमा हजुरहरुमाझ पस्केका छौं,आशा छ मनपराईदिनुहुनेछ साथै प्रतिक्रिया सहित शेयर पनि गरिदिनुहुनेछ । २०६१–६२ सालतिर सृजना भएको गीतमा पहिलोपल्ट आवाज दिनुहुने आदरणीय दिदी बरिष्ठ गायिका सपनाश्री र आदरणीय दाई कृष्णभक्त राई, यो गीत सृजना गर्न हौसला दिने कालिन्चोक म्युजिकका सन्चालक आदरणीय दाईप्रति सदैव आभारी रहनेछु ।’


यसमा तपाइको मत

Your email address will not be published. Required fields are marked *


*